Posible nga maapektuhan ang pila ka mga kaso nga padayon nga gina-talakay sa International Criminal Court ukon ICC kasunod sang panawagan kag panindugan sang Estados Unidos sang Amerika batok sa nasambit nga korte.
Suno kay Bombo Pinoy Gonzales, International Correspondent in America, ginpahayag sini nga posible may epekto ang panindugan sang U.S. sa mga kaso nga gina-uyat pa sang ICC.
Pahayag sini, makabig nga isa ka pagpamahog ang pahayag ni US President Donald Trump bangud suno sa iya mahimo nga magpatuman sang sanctions ang Amerika sa tion nga madakpan ukon ma-indict ang isa ka Amerikano sa ICC.
Dugang pa sini, indi sakop sang ICC ang Estados Unidos bangud indi ini isa sa mga pungsod nga nagpirma kag nag-ratify sang Rome Statute nga nagtukod sang korte.
Samtang, magapadayon ang ICC sa iya mandato sa pag-imbestigar kag pagbista sa mga kaso nga may kaangtanan sa genocide, krimen batok sa katawhan kag war crimes, lakip na ang kaso ni Former President Rodrigo Duterte sa idalum sang hurisdiksyon.
