Mga kaso nga ipasaka batuk kay VP Sara, constitutional duty – PNP

Nagpanindugan si Philippine National Police Chief General Rommel Francisco Marbil nga ang patong-patong nga kaso nga ginpasaka batuk kay Vice President Sara Duterte kag iban pa constitutional duty sang PNP kag indi politically-motivated.

Suno kay Marbil, nakatutok ang Pambansang Pulisya sa mandato sini nga ipatuman ang layi kung sa diin wala sang ginapaboran.

Pagklaro sini, ang pagpasaka sang kaso batuk sa isa ka indibidwal anu man ang iya estado sa kabuhi nagapaidalum sa ginsumpaan nga obligasyon sang pulisya sa Konstitusyon kag Pilipino.