ROXAS CITY – Madamo nga mga Kuwaiti employers ang nabalaka sa ginpatuman nga total deployment ban ni President Rodrigo Duterte sa mga overseas Filipino worker (OFW) sa nasambit nga nasyon.
Sa interview ng Bombo Radyo Roxas sa isa ka OFW nga si Rhea Mandigal tumandok sang Antique, ginpahayag sini nga nabalaka ang kadam-an sa mga employers bangud daku ang nabulig sang mga trabahador nga pinoy sa ila.
Nagpanindugan ang mga Kuwaiti nga kadam-an sa mga mapintas nga employers ang gikan sa iban nga nasyon kag indi tumandok sang Kuwait.
Ginpahayag pa sini nga mismo ang iya nga employer ang nagpahayag nga gintun-an kuntani sang maayo sang gobyerno ang ginpatuman nga total deployment ban bangud madamo ang maapektuhan labi na ang mga maayo nga mga employers.
Ginpamilit pa sini nga mismo ang Kuwaiti employers ang wala nagustuhan ang ginhimo nga pagpang-abuso sa mga Pinoy sa ila nga pungsod.
