ROXAS CITY – Ginkompirmar sang pamunuan sang Department of Social Welfare and Development (DSWD) nga tatlo pa lamang ka mga local government units (LGU’s) sa probinsiya sang Capiz ang natigayon nga ma-releasan sang Social Amelioration Program (SAP) fund.
Ini ang ginpahayag ni DSWD Assistant Secretary Rhea Peñaflor sang mainterview sang Bombo Radyo.
Suno sa opisyal nga ini ang ginalakipan sang mga LGU’s sang Roxas City, Mambusao kag Dumarao.
Wala pa suno diri ang iban nga mga LGU’s sa Capiz bangud may pipila ka revisions ang mga ini sa ila nga budget proposal.
Suno diri kasunod sang ila ginpaguwa nga pinakaulihi nga report natuhoy sa na-release nga SAP fund, kinahanglan makadihon sang Memorandum of Agreement (MOA) ang LGU kag nasambit nga ahensiya para sa implementasyon sang nasambit nga programa.
Kalakip man sa kinahanglan masumiter sang LGU ang ila nga budget proposal kag kun pila ang ila nga target beneficiaries sang programa nga kwalipikado sandig sa guidelines sang ahensiya kag ila man ini nga iga-validate.
Ginklaro sini nga ang DSWD ang nagahatag sang numero sang target beneficiaries sa kada LGU kag ang tagsa ka lokal nga gobyerno lamang ang naga-identify ukon nagatumod sang mga benepisyaryo sa ila tagsa ka mga lugar.
Mahibaluan nga sandig sa pinakaulihi nga report sang ahensiya, 91 sa kabug-usan nga 133 ka mga LGU’s sa Western Visayas ang natigayon nga ma-releasan sang SAP fund.
Ginpanindugan man sini nga wala sila sang may ginapili bangud suno diri ginahatagan lamang nila sang prayoridad ang mga mas nagakinahanglan.
Ginpatpat sang opisyal ang allocated number of beneficiaries sang SAP sa probinsiya sang Capiz.
Para sa mga non-Pantawid Pamilyang Pilipino Program (4P’s) beneficiaries:
Roxas City – 33, 786
Cuartero – 5, 068
Dao – 6, 210
Dumalag – 5, 774
Dumarao – 8, 215
Ivisan – 5, 512
Jamindan – 6, 069
Maayon – 6, 249
Mambusao – 7, 433
Panay – 8, 517
Panitan – 7, 423
Pilar – 7, 423
Pontevedra – 8, 676
President Roxas – 5, 362
Sapian – 4, 217
Sigma – 5, 560
Tapaz – 7, 975
Para naman sa mga Pantawid Pamilyang Pilipino Program (4P’s) beneficiaries:
Roxas City – 5, 122
Cuartero – 1, 318
Dao – 1, 361
Dumalag – 1, 091
Dumarao – 2, 504
Ivisan – 1, 257
Jamindan – 2, 476
Maayon – 2, 276
Mambusao – 1, 803
Panay – 2, 227
Panitan – 1, 726
Pilar – 3, 128
Pontevedra – 2, 141
President Roxas – 1, 552
Sapian – 1, 799
Sigma – 1, 461
Tapaz – 3, 980
