ROXAS CITY – Nakapakig-angut na ang Department of Trade and Industry ukon DTI- Capiz sa mga supermarkets sa siyudad sang Roxas agud mahatagan ligwa ang pagpamakal sang mga local government units (LGU’s) sang mga goods nga ginagamit para sa ila tagsa-tagsa ka relief operations.
Suno kay DTI-Capiz Provincial Director Ken Queenie Cuñada nga ginhinyo sini ang pila ka mga supermarkets nga pasugtan nga magpamakal sang pinsan ang mga LGU’s sang mga goods nga ginagamit sa relief operations agud indi mabudlayan ang mga ini sa pagpangita sang supply sa mga grocery stores kag supermarkets.
Gindugang pa sini nga wala man nagakahubsan sang supply sang mga supermakets bangud regular man nga naga abot ang ila mga stocks.
Apang aminado si Cuñada nga madasig maubos ang sardinas bangud ini ang masami nga ginabakal sang mga LGU’s sa mga supermarkets.
Ginpasalig naman sang DTI nga wala man sang problema ang probinsya pag-abot sa supply sang mga goods sa merkado.
