Mahimo na nga makabakal sang subsidized rice ang mga mamumugon nagikan sa transport sector sa idalom sang P20 per kilo rice program sang gobyerno subong nga adlaw, Setyembre 16, 2025.
Ginsiling sang Department of Agriculture (DA) nga masobra 57,000 ka mga public transport workers halin sa lima nga nagapanguna nga probinsya ang una nga makabenpisyo sang amo nga programa.
Ang amo nga mga mamumugon ang ginakalakipan sang jeepney, kag tricycle drivers kag transport operators. Ginpatuman sang DA ang programa sa pakig-koordinar sa Department of Transportation (DOTr), Department of the Interior and Local Government (DILG), kag Land Transportation Franchising and Regulatory Board (LTFRB), nga nagbulig sa pagtumod sa mga benepisyaryo halin sa transport sector.
Sa idalom sang programa, ang eligible drivers kag operators ang pahanugutan nga magbakal sang tubtob 10 kilos sang bugas kada bulan sa subsidized price.
Ang mga nagapanguna nga paglunsyar ang ginpatigayon sa mga masunod nga lokasyon:
• Bureau of Animal Industry sa Quezon City – 17,633 beneficiaries
• Philippine Fisheries Development Authority in Navotas City – 1,001 beneficiaries
• Barangay Pandan in Angeles City, Pampanga – 9,961 beneficiaries
• Food Terminal Inc. in Cebu City – 24,742 beneficiaries
• Tagum City – 3,650 beneficiaries Ang mga gintalana nga distribution centers ang ginakalakipan sang Philippine Fisheries Development Authority sa Navotas, Bureau of Animal Industry and Agricultural Development Center sa Quezon City, Agribusiness and Marketing Assistance Division sa Cebu, Food Terminal Inc. warehouse sa Angeles, kag Agribusiness and Marketing Assistance office sa Tagum.
Madumduman nga sang tinalikdan nga bulan, ginpalawig sang DA ang programa sa mga manugpangisda.
