Mga mangunguma nga wala malakip sa distribusyon sang abono sang Department of Agriculture wala makapalista sa gintalana nga adlaw

Ist come 1^st serve basis ang distribusyon sang abono sa mga mangunguma nga resipyente sang programa sang Department of Agriculture.

Ini ang pagpaathag ni Rolindo Celoso, Department of Agriculture admin 1 kag in-charge sa distribusyon sang abono kasunod sang mga reklamo sang pila ka mga mangunguma nga wala nakabaton sang bulig sang ahensiya.

Ginpahayag ni Celoso nga pila sa mga rason nga wala malakip sa distribusyon sang abono ang pila ka mga mangunguma amo ang ila kapaslawan nga makapalista matapos nga wala sila makaabot sa gintalana nga adlaw.

Gin-athag sini nga matapos makabaton sang binhi ang resipyente, ginahatagan ini sang voucher nga ginapabayluhan sang abono.

Daku ang pagpati ni Celoso nga naka-ambit ang kadam-an nga mga mangunguma sang bulig gikan sa DA.

Samtang ginganyat sini ang wala nakabaton sang abono nga magpakig-angut lamang sa ila mga barangay kapitan ukon sa talatapan sini, bangud pananglitan nga may mag-abot, posible sila nga makabaton.