ROXAS CITY – Naga-amat-amat na damu ang mga manugbakal sang bulak sa bahin sang Lapu-lapu Street, Roxas City samtang nagahilapit ang Valentine’s Day.
Sa interview sang Bombo Radyo kay Louisa Dela Peña, tag-iya sang isa ka flower shop, iya ginpahayag nga madamu na sang mga naga-advance order sa ila sang bulak agud indi na magdugok sa tion sang February 14 kun sa diin madamu na sang mga manugbakal.
Suno kay Dela Peña, lunsay mga imported nga bulak kasubong sang Sunflower, carnation kag star gazer ang madahog sa subong nga ginabakal para ihatag sa ila mga pinalangga.
Pahayag pa niya, bastante pa ang supply sang bulak sa subong bangud padayon ang pag-abot sang ila stocks gikan sa iban nga mga lugar sa pungsod.
Nagpanawagan man ang natungdan sa publiko nga mag-temprano sang bakal sang bulak agud nga makapili pa sang madamu nga klase kag wala pa sang paghulag sang presyo sini.
INTERVIEWED BY: BOMBO GENA ARCOSA
