Mga manugbaligya sang bugas sa Roxas City, nagakabalaka sa posible nga epekto sang El Niño

Nagakabalaka ang mga manugbaligya sang bugas sa Teodoro Arcenas Trade Center ukon Lipunan sa posible nga epekto sang El Niño sa suplay kag presyo sang bugas.

Sa interview sang Bombo Radyo Roxas kay Edilberto Cambe, presidente sang Roxas City Rice Retailers Association, iya ginpahayag nga posible nga magbag-o ang presyo sang bugas kon maglala ang epekto sang El Niño bangud mahimo nga maapektuhan ang produksyon sang palay.

Suno kay Cambe, posible nga magnubo ang ani sang mga mangunguma, nga mahimo magresulta sa pagnubo sang suplay sang bugas kag pagsaka sang presyo sini sa merkado.

Ginklaro man ni Cambe nga indi lamang ang El Niño ang posible nga makaapekto sa presyo sang bugas, kundi pati ang inflation kag pagsaka sang presyo sang gatong.