Gin-anunsyo ni Department of Agriculture (DA) Secretary Francisco Laurel Jr. nga ang mga manunudlo kag non-teaching personnel gikan sa mga pampubliko nga buluthuan ang igalakip man sa P20/kilo nga bugas nga programa sumugod Oktubre.
Suno sa iya,nagapakig-angot na ang ahensya sa Department of Education (DepEd) agud mapreparahan ang masunod nga hugnat sang programa.
Dugang pa niya, gina-finalize na ang listahan sang mga benepisyaryo apang may posibilidad nga malakip ang tanan nga school personnel depende sa salary grade.
Pahayag pa niya, sa pagpreparar kag pagpatuman sang programa, ginkonsiderar nila ang kadamuon sang manpower sang DepEd bilang isa sa pinakadaku nga ahensya sang gobyerno, nga may 800,000 ka mga manunudlo kag staff sa bug-os nga pungsod.
Samtang, target nga ma-roll out ang baynte pesos nga bugas para sa school personnel sa Oktubre 15.
