Nagapadayon ang mataas nga excitement sang mga football fans sa Mexico samtang nagahulat sila sa masunod nga engkwentro sang Team Mexico national football team sa Round of 32 sang 2026 FIFA World Cup.
Suno kay Bombo Ivan Marino, international correspondent direkta sa Mexico, nagadamo ang mga Mexican fans nga nagapakita sang suporta sa ila national team kag nagalaum nga makalab-ot ini sa mas malawig nga kampanya sa torneo.
Pahayag pa niya, mabatyagan ang kasadya sa nagkalain-lain nga bahin sang Mexico kun sa diin nagatipon ang mga fans sa mga fan zones, restaurants kag pampubliko nga lugar agud mag-updanay sa pagsubaybay sang knockout match.
May yara man sang mga watch party nga gin-organisa bisan sa iban nga mga syudad sa North America bilang suporta sa Team Mexico.
Dugang pa niya, nagadugang ang kumpiyansa sang mga supporters bangud sa maayo nga ginpakita sang Mexico sa group stage.
Nagalaum man ang natungdan nga mapadayon sang Team Mexico ang ila maayo nga performance kag makasulod sa Round of 16, samtang nagapabilin ang bug-os nga suporta sang pungsod sa ila national football team sa padayon nga kampanya sa FIFA World Cup 2026.
