ROXAS CITY – Gindeklarar nga persona non grata ang mga miyembro sang CPP-NPA ukon Communist Party of the Philippines – New People’s Army sa siyudad sang Roxas.
Ini pinaagi sa ginpapasar nga resolusyon sang Local Government Unit (LGU).
Suno kay City Councilor Albert Gregore Potato, wala na sang lugar ang mga rebelde nga grupo nga magpatigayon sang mga kalakasan sa siyudad.
Ginganyat man ni Potato ang suporta kag kooperasyon sang mga pumuluyo.
Subong man, pinaagi sa Enhanced Comprehensive Local Integration Program (E-Clip) sang gobyerno, madamo na nga mga rebelde ang nagsungka kag nagbalik sa sabak sang gobyerno.
Mahibaluan nga pila ka mga lugar sa probinsya sang Capiz ang hilway naman sa mga rebelde nga grupo.
Sa karon, mas nagakitid na ang dalan sang mga rebelde ilabi pa nga ang mga pumuluyo na ang nagapanindugan kontra sa mga gina-ubra nila nga kalakasan.
