ROXAS CITY – Natapos na ang quarantine period sang mga katapo sang Philippine Coast Guard (PCG) Capiz nga may yara sang close-contact sa sadto anay nagpositibo nga miyembro sang talatapan sa balatian nga coronavirus disease (COVID-19).
Ini ang ginkompirmar mismo ni PCG-Capiz Station Commander Edison Diaz sang mainterview sang Bombo Radyo.
Suno kay Diaz nga ginhimo nila nga 15 diyas ang quarantine period sang amo nga mga personnels agud masiguro nga hilway sila sa nasambit nga balatian.
Temporaryo ang mga ini nga wala ginpatrabaho bangud sila ang gin-isolate sa ila mga kaupdanan.
Ginpahayag sini nga pito tanan ka miyembro sang PCG nga may close-contact sa nag-positibo sa amo nga balatian ang ginpaidalom sa quarantine.
Apat sa mga ini ang gikan sa main office sa Barangay Culasi kag ang tatlo ang gikan naman sa sub-station sa banwa sang Pilar.
Ginkalipay man ni Diaz nga lunsay nagnegatibo sa nasambit nga balatian ang mga personnels pinaagi sa pagpaidalom sa ila sa swab testing.
Sa karon suno kay Diaz nga nagbalik na sa normal ang deployment sang ila nga hanay.
