Mga miyembro sang PDP-Laban, nakabantay na sa pag-abot ni anay SAP Bong Go sa Capiz

ROXAS CITY – Sug-alawon subong nga adlaw sang mga miyembro sang Partido Demokratiko Pilipino–Lakas ng Bayan (PDP) si anay Special Assistant to the President (SAP) Christopher ‘Bong’ Go sa probinsiya sang Capiz.

Ini ang ginpahayag ni PDP-Laban Regional Chairman Marcial Jocson sa interview sang Bombo Radyo Roxas.

Mayor nga tinutuyo ni Go sa pagbisita sa probinsiya sang Capiz ang paglunsyar sang Bayan for Bong Go movement nga hiwaton sa Dinggoy Roxas Civic Center (DRCC) kag pagpakighinun-anon sa pila ka mga lideres sang partido.

Mahibaluan nga sanday Capiz 2nd District Representative kag House majority leader Fredenil Castro kag Negros Occidental 3rd District Representative Albee Benitez ang nag-organize sa nasambit nga lakat ni Go.