ROXAS CITY – Masobra sa 5mil ka mga tawo ang nagtipon-tipon sa komunidad sang Korat agud ipangamuyo kag magsindi sang kandila para sa kapin 30 ka mga persona nga napatay kag 56 ang pilason sa pagpaarak sang luthang kag pagpanghostage sa mga mall goers sang soldado nga si Jakraphanth Thomma nga nagran-amok sa Terminal 21 sa Korat, Thailand.
Ginpangunahan ini sang 29 ka mga monghe ukon monks agud ipakita ang ila nga pagpakig-unong kag simpatiya sa ila lokal nga komunidad sa Thao Surananee monument.
Samtang subong nga adlaw makaangkon sang community clean up sa Terminal 21 kag sa Pebrero 15 naman may patigayunon nga merit making acitivity sa nasambit nga monument nga pagatambungan sang 10mil ka mga monghe nga magasugod las 6 sa aga tobtob las 9 sa aga.
