Hugot nga pagabantayan sang katapo sang kapulisan ang mga motor nga naka open muffler sa palibot sang syudad sang Roxas.
Sa interview sang Bombo Radyo kay Police Lieutenant Colonel Ricardo Jomuad Jr., Hepe sang Roxas City Component Police Station iya ginpahayag nga madamu na sila nabaton nga reklamo naangut sa mga kabataan nga naka open muffler nga nagatuga sang gahod kag distorbo ilabi na sa kagab-ihon kag kaaganhon.
Suno kay Police Lieutenant Colonel Jomuad, sa ila pagpatigayon sang random checkpoint kadungan sang pagsug-alaw sang bag-ong tuig, may 10 ka mga nagkaladakpan bangud natigayon nga nakapalagyo ang iban.
Pahayag pa niya, magapakig-angot siya sa talatapan sang Land Transportation Office agud nga matinguhaan nga mahatagan sang ticket ang mga bayolar nga paglapas sa traffic code.
Dugang pa sang natungdan, magapadayon ang ila nga pagpangdakop sang amo nga mga naka open muffler agud nga mapabilin ang kalinong sa syudad sang Roxas.
