Gindakop sang mga katapo sang Roxas Component City Police Station ang mga motorista nga naka-open muffler bangud nga nangin perwisyo ini sa palibot kadungan sang pagsugata sang tuig 2026.
Sa interview sang Bombo Radyo kay Police Lieutenant Colonel Ricardo Jomuad Jr., Hepe sang Roxas Component City Police Station, iya ginpahayag nga kaangay naghatag sang kakugmat kag kalain sang pamatyag sa pila ka mga pumuluyo sa syudad ang nasambit nga mga motorista nga naka-open muffler.
Pahayag niya, ang amo nga pagpangdakop nila, ang nakasandig man sa ordinansa nga naga-egsister sa syudad. Apisar nga bag-ong tuig, gindumilian ang pagpadalagan sang mga motorsiklo nga naka-open muffler sa syudad.
Nahibaluan nga magluwas sa naka-open muffler, nagamaneho man ang mga ini nga wala sang lisensya, wala sang suga, wala sang helmet kag wala pagid sang sirbato ang iban.
Gin-isyuhan ang mga ini sang citation ticket kag ginkakas ang muffler sang ila nga motorsiklo antes ini nga gin-uli sa ila.
Nagpahanumdom naman ang natungdan nga indi sang excuse ang kun ano man nga mga selebrasyon, ilabi na sa isa ka paglapas sa ordinansa nga nagahatag sang kakugmat sa publiko.
