ROXAS CITY – Hugot nga nagapamalabag ang pila ka mga motorista sa siyudad sang Roxas sa bag-o nga guidelines sang national Inter-Agency Task Force (IATF) nga pagpahamtang sang prototype barrier ukon panagang sa tunga sang driver kag back rider sang motorsiklo kasunod sa pagpahanugot na sang angkas.
Sa paglibot sang Bombo Radyo News Team, kadamuan sa mga drivers ang wala nagapabor sa amo nga pagsulundan.
Suno kay Tatay Francisco, dako ini nga risgo bangud posible pa ini nga magresulta sa pagkatumba sang motorsiklo.
Mabudlay man ini para sa mga nagatipid sang pamasahe ilabi na kun may mga karga sila nga dala.
Indi man ini aplikable suno diri para sa mga mag-asawa ukon maglive-in partner bangud naga-updanay man sila sa isa ka balay.
Suno naman kay Manong Lino, ginakahangaw-an sini ang posible pagka-out balance sang nagamaneho nga driver bangud indi makapanghawid sang maayo ang nagasakay nga backrider.
Mabudlay man ini pigaran ilabi pa nga tuman ka taas ang ginaduso nga barrier nga houl para sa driver kag sa iya nga angkas.
