CAPIZ – Nagdamo ang mga na-apprehend ukon nakumpiska nga mga iligal nga ginpang-utod sa probinsya sang Capiz suno sa Department of Environment and Natural Resources-Capiz.
Sa interview sang Bombo Radyo kay Dr. Ernest C. Federiso, officer in charge sang Department of Environment and Natural Resources-Capiz, iya ginpahayag nga sang mga nagliligad nga tuig, wala sang may nabalhag nga numero sang nadakpan nga kaangut sa illegal cutting of trees nga isa ka daku nga katingalahan
Suno kay Dr. Federiso, hinali lang nga nagtaas ang numero sang mga nakumpiska bangud sa madasig nga naresponde sang ila nga talatapan sa mga reklamo nga ginapabalhag sa ila.
Sang tuig 2025, may yara sang nakumpiska nga 2,853 boar feet gikan sa Community Environment and Natural Resources Office (CENRO) kag 7,126.31 board feet gikan sa Provincial Environment and Natural Resources Office (PENRO) nga ginakabug-usan sang 9,979.31 board feet nga mga iligal nga kahoy.
Pahayag pa niya, magapangatubang sang kaso kag penalidad ang sin-o man nga madakpan nga iligal nga naga-utod kag nagabaligya sang kahoy ilabi na ang mga premium trees nga wala sang nagakaigo nga permit.
Nagapanawagan man ang natungdan sa kooperasyon sang tanan nga mangin mabinantayon kag seryoso sa pag proteher sang atun palibot.
INTERVIEWED BY: BOMBO ROADNIE DABAN DALANON
