Mga na-guba nga balay bangud sa ulan kag baha sa Capiz, naglab-ot sa 18

CAPIZ – Naglab-ot sa 18 ka mga balay ang na-guba sa probinsya sang Capiz bangud sa mamunog nga ulan kag lapnagon nga baha tuga sang Bagyo Ramil.

Sa data sang Office of Civil Defense Region VI, 11 ka mga balay ang partially damaged samtang pito naman ang totally damaged.

Nahibaluan nga pila ka mga lugar sa Capiz ang naka-eksperyensya ang lapaw-tawo nga lebel sang tubig baha sang Sabado, Oktubre 18.