ROXAS CITY – Ginpapasar sang konseho sang syudad ang Anti-Discrimination of Health Workers Ordinance nga nagadumili sang diskriminasyon sa mga health workers nga naga-serbe nga mga frontliners batuk sa coronavirus disease (COVID-19) pandemic.
Suno sa kay City Councilor Paul Ivan Baticados nga nakabaton ini sang madamo nga reklamo gikan sa mga frontliners nga ginapahalin sa mga bording houses, wala ginapasakay sa mga ginaparahan nga mga tricycles, kag pagpamalibad sang mga laundry shops sang mga ginapalabhan nga mga kagamitan.
Sandig sa ginapapasar nga ordinansa, ang mga magalapas nga negosyante ukon tag-iya sang mga boarding houses ang pagamultahan sang P2000 (First Offense), P3000 kag mahimo mapreso sang indi maglawig sang tatlo ka bulan (Second offense), kag pag-revoke sang business permit (Third Offense).
