CAGAY ROXAS CITY – Malaka pa lamang ang mga nagabisita kag nagapadulong sa Cagay cemetery agud magduaw sa ila mga himata nga nagtaliwan na sa kabuhi.
Pito ka adlaw antes ang “All Souls Day” ukon pista minatay, amat-amat na nga ginatinluan sang mga pamilya ang pansyon kag mga nitso sang ila mga palanga nga napatay.
Sa interview sang Bombo Radyo kay Abner, caretaker sa sementeryo ginpahayag sini nga malaka pa lamang ang mga nagapatinlo sa ila bangud ang iban mas ginapili sa gihapon nga sila na lang mismo ang nagalimpyo.
Mahibaluan nga sa lima na sini ka tuig nga caretaker diri, ini na ang ila ginahimo nga pangabuy-anan sang ila pamilya.
Apisar nga malayo pa ang pista minatay, amat-amat na nga nakaplastar ang pila ka mga baligya kaangay sang kandila, bulak kag iban pa nga mga pagkaon sa guha sang sementeryo.
Ginalauman nga sa masunod nga mga inadlaw, magadugok na ang mga tawo nga magapadulong sa nasambit nga lugar.
