ROXAS CITY – Posible nga mablocklist ang mga nagapanag-iya sang housing unit nga nagabaligya kag mahimo nga indi madala sa mga benepisyo nga igatan-ay sang gobyerno.
Ini ang nangin pahayag ni Honorable Arnold Perez alkalde sang banwa sang Pilar, sang mainterview sang Bombo Radyo.
Suno kay Perez, posiblenga madisqualified ang mga tawo nga nagbakal sang unit sa Housing Unit sa Sta. Fe sa nasambit nga banwa.
Mahibaluan nga may yara na sang 1,248 nga mga unit ang napatindog kag ginabulubanta 800 na ang naga-istar diri.
Ginpahayag man sang alkalde nga nabudlayan sila nga pangitaon ang mga nagapanag-iya sang unit apang wala gina-istaran bangud sa kulang-kulang nga impormasyon nga ila ginahatag.
Dugang pa sini, nga sa iya pagpungko bilang alkalde sang banwa halos may yara sang mga pangalan ang tanan nga mga unit.
Tinutuyo kun tani sini nga berepikahon kun ini bala tumandok ukon residente sang amu nga banwa kag mahibaluan kun anu nga mga tikang ang masunod nga himuon.
Samtang, ginklaro ni Perez nga padayon pa ang ila pagbaton sang mga aplikante para sa nasambit nga housing unit.
