ROXAS CITY – Nagdangat sa masobra 71 ka health minimum violators ang nadakpan kalakip ang duha ka mga traffic auxiliary sa ikaduha nga adlaw sang operasyon sang gintingub nga puwersa sang City government, TMU, PNP kag BFP sa pagpatuman sang city ordinance 044-2020 angut sa pagsuksok sang face mask.
Ini ang ginpahayag ni Mr. Emil Joseph Miraflores, team leader sang TMU anti-COVID-19 Task force sang ma interview sang Bombo Radyo.
Suno ky Miraflores, kalabanan sa ila nga nadakpan ang yara sa Teodoro Arcenas Trade Center (TATC), Sa Burgos Talipapa kag sa Arnaldo Boulevard nga mga lunsay nagalakat sa dalan.
Dugang pa sini nga wala sila sang may ginapili nga dakpon bangud bisan ila nga duha ka enforcer ang ila nga nasampulan.
Gindala ang mga nagkaladakpan sa crisis center para sa orientation, apang sa tion nga liwat madakpan ang mga ini, diri kag may pagabayran na nga P1,000 ang 2nd offender.
Liwat nga pahanumdum ni Miraflores sa publiko nga mag suksuk gid sang face mask agud malikawan ang paglapta sang COVID-19.
