ROXAS CITY-Ginpasakaan na sang panombongon ang 12 ka mga indibidwal nga nagkaladakpan sa pag-implementar sang simultaneous search warrant sa gintingub nga puwersa sang Philippine National Police, Criminal Investigation and detections Group (CIDG) Region-6 kag Philippine Army sa Calinog Iloilo kag Tapaz, Capiz.
Ini ang ginkompirmar ni Police Lieutenant Colonel Joem Malong, ang tagpamaba sang Police Regional Office-6 sang mainterview sang Bombo Radyo.
Suno kay Malaong nga 10 sa mga subjects ang ginpasakaan sang panombongon sa paglapas sa R.A. 10591 ukon Illegal Possesion of Firearms and Explosives pinaagi sa inquest proceedings sa Roxas City Hall of Justice.
Samtang ang duha naman ang ginpasakaan sang panombongon pinaagi sa regular filing bangud ginapahayag nga nakapalagyo sa tion sang operasyon.
Dugang pa sang opisyal nga kadungan sang pagpasaka sang panombongon batuk sa mga arestado, ginpresentar man sa piskalya ang mga nagkanarisari-sari nga mga armas luthang kag eksplosibo nga narekober sa mga nasambit nga indibidwal.
Matandaan nga 9 ka mga indibidwal nga subject man sa nasambit nga operasyon ang ginbawian sang kabuhi matapos ginapahayag nagbato sa mga otoridad.
