Mga napatay sa giyera sang Israel kag Hamas, naglab-ot na sa masobra 37-K

Nagdangat na sa 37,337 nga Palestino ang napatay kag 85,299 ang napilasan sumugod nga nag-umpisa ang giyera sa tunga sang Israel kag Hamas sadtong Oktubre 7.

Suno sa Health Ministry sang Gaza indi pa nila masiguro kung pila pa ang mga bihag nga hawid sang mga Hamas.

Naglab-ot naman sa 15,000 nga mga kabataan ang ginbawian sang kabuhi bangud sa giyera.

Dugang pa sini nga posible madugangan pa ang numero sang mga napatay bangud sa wala untat nga pagpang-atake sang Isrel sa pila ka bahin sang Gaza.

Sa hanay naman sang Israel, 1,139 na ang napatay kag ,730 ang napilasan.

Matandaan nga madamo na nga mga pungsod ang nagpanawagan nga untaton na ang giyera sang duha ka pungsod bangud sa padayon nga pagtaas sang numero sang mga nagakalamatay.