Pito ka tawo na ang ginapahayag napatay matapos ang asud-asud nga mabaskog nga linog nga nagtay-og sa Davao Oriental.
Sa situational report sang National Disaster Risk Reduction and Management Council (NDRRMC), nasaad nga ang mga napatay ang nagikan sa Region 11 kag under validation pa.
Suno sa Davao Oriental Provincial Government, duha ang napatay sa Mati City samtang ang isa naman ang nagikan sa banwa sang Tarragona.
Ginpahayag naman sang NDRRMC nga gina-verify pa ang 11 ka mga pilason sa Region 11.
Wala naman sang reported missing sa nasambit nga rehiyon.
Samtang kabug-osan nga 1,265 individuals ukon 331 ka mga pamilya ang nag-evacuate.
Sa subong, may yara sang 33 ka mga balay ang ginaalegar nagguba sa diin lima ang totally damaged sa Region 11 kag CARAGA.
May pito ka road sections kag tatlo ka bridge sections naman ang reported nga apektado sa diin lima ka mga dalan kag isa ka taytay ang nagapabilin nga indi maagyan.
Matandaan nga kahapon sang aga, gintay-og sang 7.4 magnitude nga linog ang Manay, Davao Oriental samtang pagkagab-i, liwat nga gintay-og sang linog ang lugar sa magnitude 6.8.
