Mga napatay sa linog sa Mindanao, naglab-ot na sa 37

Naglab-ot na sa 37 ang napatay sa 7.8 magnitude nga linog sa Mindanao sandig sa data sang Office of Civil Defense (OCD).

Suno kay OCD Deputy Spokesperson Diego Mariano, 33 ka mga indibidwal nga napatay ang ginreport sa Soccsksargen nga ginalakipan sang 18 sa Sarangani, 12 sa General Santos City kag tatlo sa South Cotabato.

Samtang apat naman ang patay sa Davao Region.

Pahayag ni OCD Spokesperson Junie Castillo, kadam-an sa mga napatay ang naigo sang mga nagkalahulog nga debris.

Kabug-osan nga 456 ka indibidwal naman ang pilason kag apat pa ang nagabapilin nga missing.