ROXAS CITY – Nagapangasubo ang konseho sang Barangay Calapawan, Panay, Capiz sa pagtaliwan sang ila Kapitan nga si Ronilo Boy Badoles.
Sa interview sang Bombo Radyo kay Barangay Kagawad Letecia Bagares nga sa tatlo ka termino ni Badoles nga Kapitan.
Madamo ini sang mga proyekto nga naimplementar partikular ang pagpasemento sang ila nga dalana kag ang covered gym.
Dugang pa sini nga wala man gintago sa ila ni Kapitan Badoles ang matood nga kondisyon sang iya ikaayong lawas nga masami na ginadala sa ospital.
Samtang wala naman nagapabaya sa iya obligasyon si Kapitan sa Barangay kag sa iya pagkapresidente sang Liga ng mga Barangay sa banwa sang Panay.
Suno pa kay Bagares nga ila igapadayon ang mga naumpisahan nga proyekto ni Badoles kay nakita man nila ang benepisyo sini sa mga pumuluyo sang ila Barangay.
Mahibaluan nga nagtaliwan sa ospital si Punong Barangay Ronilo Boy Badoles samtang ginabulong sa iya nga balatian sa atay.
