ROXAS CITY – Apektado na ang mga negosyante sang bugas sa Teodoro Arcenas Trade Center (TATC) matapos nga wala na sang makuha nga supply sang bugas gikan sa National Food Authority (NFA).
Sa paglibot sang Bombo News Team sa merkado publiko, talalupangdon man ang gamay nga suplay sang bugas nga ginabaligya sang mga rice vendors rason nga pila ka mga stalls ang nagsarado na lamang.
Ginpahayag ni Nanay Mila, negosyante sang bugas sa TATC bangud sa epekto sang coronavirus disease 2019 pandemic, gamay na lamang ang nagapadulong sa merkado para magpamalaklon.
Suno sa ginang nga sa iya bahin nagakuha ini sang ginabaligya nga bugas direkta sa miller.
Samtang nagapati si Nanay Mila nga daku ang posibilidad nga magataas ang presyo sang bugas sa masunod nga adlaw.
