Pagasaraduhan ang mga non-essential establishments sa pungsod Japan kasunod sang coronavirus disease (COVID-19) pandemic.
Ini ang ginpahayag ni Bombo International Correspondent Mrs. Juvy Abecia nga naba-se sa Nagaoka, Niigata, Japan.
Suno kay Abecia nga normal pa ang sitwasyon sa nasambit nga pungsod kun sa diin nagapadayon ang klase sa mga buluthuan kag ang trabaho sang mga empleyado.
Apang natalana nga magsarado ang mga non-essential establishments sa katapusan sang bulan sang Abril.
Ginkumpirmar man ni Abecia nga nagasugod na ang pagproseso sang bulig-pinansyal nga ginatahag sang Japanese government.
Suno diri nga magahatag sang $1,000 ukon kapin P50, 000 nga bulig pinansyal ang Japanese government para sa kada residente sang nasambit nga pungsod.
Samtang hugot naman ang pag obserbar sang mga residente sang social distancing kag pasuksok sang facemask sa pihak nga wala pa sang total lockdown sa nasambit nga pungsod.
