Mga occupants sa Taft Building, ginapahalin na sang gobyerno sang siyudad

ROXAS CITY – Ginapabiya na sang gobyerno sang siyudad ang mga occupants sa edipisyo ukon building sang nga ginapanag-iyahan sang gobyerno sa Taft Street, Roxas City.

Sa nakuha nga impormasyon sang Bombo Radyo nahibaluan nga may yara na gid lamang sang tubtob sa Disyembre 31 ang mga occupants sa Taft building.

Mahibaluan nga mismo ang talatapan sang City Legal Office ang nagpadala sang sulat pinaagi kay City Legal Officer Antonio Bisnar sa mga occupants nga kinahanglan na nila magbiya sa lugar.

Ini kasunod sang pagkadiskubre nga wala sang contract of lease ang gobyerno sang siyudad sa nasambit nga mga occupants.

Magluwas pa diri wala man sang approve rental rates ang gobyerno sang siyudad nga ginabasehan sa pagbayad sang mga okupante.