Mga Ofw sa Qatar, nagalaum nga makabaton sang nagakaigo nga bulig gikan sa gobyerno bangud man sa padayon nga tensyon sa Middle East

Nagalaum ang pila ka mga Overseas Filipino Worker sa Qatar nga makabaton sang nagakaigo nga bulig gikan sa gobyerno tungod sa nagapadayon nga tensyon sa Middle East.

Suno kay Bombo Anabelle Urdelas Sorallo, International Correspondent sa Qatar, iya ginpahayag nga nagakadapat gid nga mahatagan sang gobyerno sang solusyon kag suporta ang mga Pilipino nga yara sa nasambit nga pungsod.

Dugang pa ni Sorallo, ginpahanumdom ang mga Pilipino nga magapabilin nga vigilant ukon mabinantayon bangud sitwasyon sa rehiyon.

Ginpanugyanan man ang mga Overseas Filipino Worker nga sundon gid ang mga abiso sang mga otoridad kag magpabilin nga alerto kun may development sa seguridad sang lugar.