Ginapangitaan na sang opisyal sang Barangay Dayao, Roxas City ang posible nga sayluhan sang mga manugbaligya sa circumferential road sa ila barangay
Sa interview sang Bombo Radyo kay Punong Barangay Wenie O. Batuampo, iya ginpahayag nga ginabantayan sang barangay ang sitwasyon bangud sa mga reklamo nga nakalab-ot man sa ila sang pila ka mga motorista sa lugar.
Suno kay Batuampo, ginarepaso sang barangay ang mga tikang nga mahimo himuon agod mahatagan sang insakto nga lugar ang mga vendors kag malikawan ang pag-okupa nila sa kilid sang dalan nga mahimo mangin rason sang aksidente ukon traffic congestion.
Nahibaluan nga ang isa ka lane sang amo nga dalan ang ginakahamtangan sang
Dugang pa sini, ginahingyo man sang barangay ang kooperasyon sang mga nagabaligya nga sundon ang mga regulasyon samtang ginapangitaan pa sang pamaagi kon paano masolusyunan ang amo nga sitwasyon.
