ROXAS CITY – Nagpanagtag sang mga food packs ang mga opisyales sang Barangay Dayao, Roxas City sa mga residente sa amo nga lugar.
Ini ang na-obserbahan sa paglibot sang Bombo Radyo News Team kasunod sa pagpaidalom na sa Enhanced Community Quarantine sa bilog nga probinsiya.
Nahibaluan nga kapin sa 1000 ka mga food packs ang ginpanagtag sa mga residente sa pagpanguna ni Punong Barangay Emily Ariza.
Nagpamalay-balay man ang mga opisyales agud magpanghatag sang home quarantine pass sa isa ka miyembro sang kada pamilya nga amo ang gin-designar para maguwa agud magpamakal sang ila mga kinahanglanon.
May iban naman nga temporaryo nga ginkuha ang pangalan sang isa ka miyembro sang pamilya kag natalana nga igadul-ong sang mga barangay officials ang ila nga home quarantine pass.
