Mga opisyales sang barangay sa Roxas City nga nagpaidalum sa drug-testing, negatibo ang resulta

ROXAS CITY – Kasubong nga nabuGnutan sang tunok sa dughan ang mga opisyales sang Barangay Cagay, Roxas City nga nagpaidalum sa drug testing sang damlag lamang matapos nagguwa nga negatibo ang resulta.

Suno kay punong Barangay Moreno Gonzaga nagpaidalum tanan nga mga barangay offficials sa Barangay Cagay sa drug test, bilang pagsunod sa direktiba sang presidente sang Liga ng mga Barangay sa Region 6.

Matapos nakatipon sang pondo gilayon sila nga nagpadulong sa accredited drug-testing laboratory sa Roxas City kag nagpaidalum sa drug test.

Nadula lamang ang kakulba sang mga barangay officials sang nagguwa nga negatibo ang resulta bangud nagapamatood lamang ini nga wala sila nagagamit sang iligal nga droga.