ROXAS CITY, CAPIZ- Ginpaidalum sa ‘Surprise Drug Test’ ang 38 tanan ka mga Police Officers sang Capiz Police Provincial Office (CPPO) sang Hunyo 30, 2025.
Sa interview sang Bombo Radyo kay Police Captain Merry Chris Dela Cruz, Police Information Officer sang Capiz Police Provincial Office, iya ginpahayag nga ginakabug-usan sang 18 ka Police Commisioned Officers nagikan sa Provincial Head Quarter; 17 ka mga Chief of Police sang magkatuhay nga police stations; duha ka Mobile Force Commander kag isa ka Platoon Leader ang nagpaidalum sa drug test.
Dugang pa sini nga isa ka emergency meeting ang ginpatawag ni Police Colonel Albert Tapulao, Provincial Director sang Capiz PPO apang isa ka surprise drug test ang ila nga ginpatigayon sa lugar.
Nahibaluan nga una nga nagpaidalom sa drug test ang Provincial Director sa Regional Office 6 kaupod ang pila pa ka mga officials kag mga provincial director sa rehiyon.
Pahayag pa ni Dela Cruz, ang pagpatigayon sang drug test sang mga opisyal ang nagapamatuod nga may yara ang mga ini sang personal nga integridad agud magpanguna sa mga tawo nga ila nasakupan.
Interviewed by Bombo Jessa Mae De Los Santos
