Pila ka mga kasapatan lakip na ang mga orangutan ang gin-evacuate sa Kalimantan Forest sa Indonesia bangud sa padayon nga paglapta sang malapnagon nga forest fire sa lugar.
Suno kay Bombo Radyo kay Bombo Ginaville Limpin Cumla, International Correspondent sa Indonesia, padayon ang mga otoridad sa pagpalong sang sunog sa forest areas nga sakop sang Indonesia.
Pahayag pa niya, madamo nga mga kasapatan ang kinahanglan nga i-evacuate bangud sa epekto sang sunog kag madamol nga aso lakip diri ang mga orangutan nga ginapahayag naga-eksperyensya sang malala nga problema sa ikaayong lawas bangud sa malawig nga exposure sa aso.
Ang sitwasyon ginasiling nga makapasubo bangud ang mga kagulangan sa Kalimantan ginakabig nga importante nga “bag sang Duta” bangud sang ila mayor nga papel sa pagmentinar sang balanse sang kinaugali kag kalidad sang hangin.
Nagalaum man ang natungdan nga mapalong ang mga sunog sa kagulangan agud makontrol ang paglapta sang aso kag amat-amat nga mabalik sa normal ang kalidad sang hangin sa mga apektado nga lugar.
