Magahiwat subong nga adlaw sa Iloilo City ang pila ka mga organisasyon sang kabataan sang State of the Youth Address (SOYA) agud mapabutyag ang nagapanguna nga mga isyu nga ginapangatubang sang mga Pamantan-on.
Sa interview sang Bombo Radyo kay Samantha Faye Herbolario, chairperson sang Anak Bayan Panay, iya ginpahayag nga isa sa mga ginapangatubang nga problema sang kabataan amo ang kakulangan sang budget sa edukasyon.
Suno kay Herbolario, nagakadapat nga magakadto sa husto nga paggamit ang pondo sang gobyerno kag indi sa korapsyon.
Ginpahayag man sini nga padayon man nga problema sang madamo nga pamatan-on ang kabudlay sa pagpangita sang trabaho bisan nakatapos na sang pag-eskwela.
Nagpanawagan man ini sa gobyerno nga maghatag sang nagaigo nga tikang sa pila ka mga problema sang mga kabataan nga ginapangatubang.
