Nagmandu ang otoridad sang Hong Kong nga kakason ang scaffold netting sa masobra 200 ka mga lokasyon matapos madiskubrehan ang mga ginasuspetsahan nga mga peke nga safety certificates sa duha ka mga building sites kasunod sang sunog nga nagluntad sa Tai Po nga nagpatay sa 159 ka mga indibidwal.
Matapos ang isa ka semana nga lapnagon nga sunog sa Hong Kong, naaresto sang pulis ang anum ka mga lalaki nagikan sa kompaniya nga responsable sa fire alarm system sang Wang Fuk Court housing complex, sa diin nag-umpisa ang sunog nga naglaton sa pito ka mga tower nga naputos sa bamboo scaffolding kag protective mesh.
Ginaalegar nga naghimo ang mga ini sang sala nga deklarasyon sa Fire Services Department.
Ang pagmandu sang otoridad sa pagkakas sang nets sa major maintenance sites ang kasunod sang ginaalegar pagpeke sang safety certificates sang Shandong-based scaffolding netting manufacturer para sa mga materyales nga gingamit sa housing renovation projects sa Chai Wan kag Fortress Hill.
