Nag-apelar ang Manila International Airport Authority (MIAA) sa mga pasahero sa Ninoy Aquino International Airport (NAIA) nga maggamit sang face mask.
Ini ang kadungan sa madasig nga pagkalat sang streptococcal toxic shock syndrome (STSS) sa Japan.
Gin-file ni MIAA spokesman Chris Bendijo ang apela, kaadungan man sa gihiwat pagbutang sang mga reminders kag advisory sa nasambit nga airport nga nagahatag sang paandam sa mga pasahero nga maggamit sang face mask kag hand sanitizer.
Ginpaandaman man sini ang mga pasahero nga takpan ang ila mga baba kag ilong kun ginasip-on kag ginaubo.
Suno kay Bendijo, regular na nga nagapakig-angut ang MIAA sa Department of Health (DoH) kag Bureau of Quarantine (BoQ) para sa pag-monitor sa mga pasahero nga nagikan sa iban nga pungsod.
Samtang, ginpaathag man sini nga indi mandatory ang paggamit sang face mask sa mga nasambit nga airport.
Sa karon, wala pa makitaan sang DOH bilang isa ka public health concern ang STSS.
Una na nga ginreport sang Centers for Disease Control and Prevention sang pagsugod sang bulan Hunyo nga may 977 cases sang STSS ang nairekord sa Japan.
Kalakip sa mga sintomas nga makita ukon mabatyagan amo ang hilanat, pagpalangurog, pagsakit sang tiyan kag pagsululuka.
