ROXAS CITY – Nagapabilin nga normal ang mga pasahero nga nagasulod ukon nagapauli sa probinsya agud magbisita sa ila mga nagtaliwan nga mga himata.
Sa interview sang Bombo Radyo sa Philippine Coast Guard (PCG) Capiz Station Commander Edison Diaz, ginpahayag sini nga ila ginalauman nga magadugok ang pasahero tubtob Sabado nga adlaw bangud weekend.
Suno kay Diaz, nagsugod na sila nga magdeploy sang mga PCG sa tagsa ka mga lugar kag nagpahamtang na sila sang mga passenger assistant center sa mga dulungkaan agud magbulig kag mag-assist sa mga pasahero.
Mahibaluan nga agud mapabilin ang seguridad kag kaluwasan sang tanan maid-id nila suno diri nga ginatsekyar ang mga dala sang mga pasahero antes makasulod sa lugar.
Magluwas sa pagtutok sa mga sementeryo, ila man nga ginatutukaan ang mga nagapalaligo sa mga kadagatan agud malikawan ang insidente sang pagkalumos.
