Mahimo nga magpugong kay dismissed Bamban Mayor Alice Guo nga ituad ng tanan sa pagsinapol sa Senado ang iya mga patung-patung nga mga kaso.
Suno sa abogado ni Guo nga si Atty. Stephen David, ginpanugyanan niya ang iya kliyente nga ihambal ang kamatuuran apang ginpahibalo man sini sa anay alkalde angut sa iya constitutional rights kalakip na ang iya kinamatarong batuk sa self-incrimination.
Paklaro ni David, anu man ang ihambal sang iya kliyente mahimo ini nga gamiton batuk sa iya sa madamo nga kaso nga nagahulat sa iya kaangay sang multiple counts sang money laundering kag human trafficking sa Department of Justice kag mga kaso niya sa Ombudsman.
Rason nga dilemma sa karun kung anu ang mahimo nga ihambal ni Guo
bilang resource person sa pagsinapol sa Senado nga indi magdala sa iya sa mga kaso nga kriminal.
May kaangtanan sini, ginpunto sang abogado nga mas maayo suno diri nga tapuson sang Senado ang ila imbestigasyon in aid of legislation kag maghimo sang report antes magpasaka sang kaso base sa ila findings.
Ginhangkat man sini ang mga mamalidha nga pamatyagan nila nagabinutig si Guo sa iya testimnonya nga maghatag sang ebidensya ukon magpresentar sang resource person gna makapamatuod nga sala ukon indi matuod ang ginpahalin nga alkalde, butang nga ginhimo sang pila ka mga sendor nga aktibo nga nakatutok sa imbestigasyon sang ilegal nga operasyon sang POGOs.
Natalana naman nga mag-atubang sa liwat sa Senado si Guo sa Lunes matapod nagpasugot ang Tarlac court sa request ni Senator Risa Hontiveros nga tugutan nga magtambong si Guo sa nagapadayon nga hearing.
Diri kag ginsiling ni Hontiveros nga ang Senado ang pinakauna nga nagpaguha sang arrest order batuk kay Guo nga nag-trigger suno diri sa manhunt operation.
