Nagsugod na sa pagparehistro ang mga Person Deprived of Liberty (PDLs) sa Capiz Rehabilitation Center (CRC) subong nga adlaw.
Sa interview sang Bombo Radyo kay Mr. Arjuna Yngcong, Provincial Jail Warden sang Capiz Rehabilitation Center (CRC) ginpahayag nga tinutuyo sini agud maparehistro ang mga PDLs nga wala pa makaparehistro kag matigayon nga matransfer ang mga botante nga luyag magpasaylo sa Barangay Lawaan, sining syudad.
Suno kay Yngcong nga pinaagi sa Commission on Election (Comelec) mabuligan ang mga preso kag mahatagan sang giya sa pagparehistro kag ginklaro sini nga wala sang pagpinilitay sa baylo ang may mga huyog lamang ang ila gina-cater.
Ginpahayag man sini nga isa sa mga kinahanglanon sang PDLs agud makaboto amu ang ila record.
Mahibaluan nga sa karun may yara sang 336 nga mga PDLs sa CRC kung sa diin 12 diri ang mga kababainhan.
Ginalauman man ni Yngcong nga magalab-ot sa kapin 250 nga mga preso ang matigayon nga makaparehistro subong nga adlaw.
Matandaan nga sadtong tinalikdan nga tuig 136 lamang ang natigayon nga makaparehistro kag nakaboto.
