Ginpaandaman ni House Deputy Majority leader kag ACT-CIS partylist Rep. Erwin Tulfo ang posibilidad nga madulaan sang trabaho ukon pangabuhianan ang masobra 300,000 ka mga manggagawa sa pungsod bangud sa grabe nga bentahan sa online sang mga sub-standard kag peke nga produkto nga kalabanan ang nagikan pa sa China.
Ginpahayag ini ni Tulfo sang nagpadulong sa iya talatapan sang damlag lang ang yara sa 15 ka mga negosyante nga kalabanan amo ang manufacturer kag nagabaligya sang mga appliances.
Ginreklamo sang mga ini kay Tulfo nga posible nga malugi ang mga ini kag mapilitan nga magsarado bangud sa epekto sa ila sang grabe nga balaligyaan online sang mga sub-standard kag peke nga produkto sa mas barato bangud wala ini nag agi sa regulasyon sang gobyerno.
Plano ni Tulfo nga iduso nga maimbestigahan sang Kamara ang “unfair online sales practices” sang mga offshore appliances nga kalabanan ang nagikan pa sa China nga freely kag direkta nga nagasulod sa pungsod.
Ang nasambit nga tikang amo ang nakapaloob sa gina-file sini nga resolusyon kupod sanday ACT-CIS partylist Reps. Edvic Yap kag Jocelyn Tulfo, amo man sanday Benguet Rep. Eric Yap kag Quezon city 2nd district Rep. Ralph Wendel Tulfo.
