Nakatalana nga ibaligya sa auctions ang pila ka mga personal nga kagamitan sang nagtaliwan na nga singer nga si Bob Dylan.
Suno sa Juliens Auctions, nga pila sa mga memorabillia sini amo ang draft sang iya sikat nga kanta nga “Mr. Tambourine Man”, kag pila ka mga orihinal nga oil paintings.
Magalab-ot suno sa 50 ka mga nagkalain-lain nga artifacts ang nakalinyada nga ibaligya sa auction.
Ginalauman nga ang pila sa mga ini ang mabakal sang tubtob $600,000.
Ang nasambit nga butang ang personal collection sang journalist nga si Al Aronowitz ukon kilala bilang “godfather of rock journalism” nga nangin abyan sang madamu nga mga singer kalakip na si Dylan.
Sadtong 2016 gingawaran si Dylan sang Nobel Prize in Literature kun sa diin nakabenta siya sang masubra 125 milyon records sa iya nga career.
