ROXAS CITY– Natalana nga ipaidalum sa 14 day Quarantine ang bug-os nga personnel sang Capiz Provincial Health Office (PHO) kasunod sang pagpositibo sang isa ka health worker nga frontliner sang nasambit nga talatapan.
Ginpahayag ni Capiz Governor Esteban Evan Nonoy Contreras II nga magluwas nga ipaidalum sa 14 day quarantine ang bug-os nga personnel sang PHO, ipaidalum man ini sila sa Real-Time Reverse Transcription Polymerase Chain Reaction Testing (RT-PCR) agud mapasiguro nga hilway ang mga ini sa covid-19 disease.
Gindugang pa ni Contreras nga indi makunsidera nga clear na sila tubtob nga indi maguwa ang resulta sang RT-PCR Testing apisar nga magtakup na ang pagpaidalum sa ila sa 14 -day quarantine.
Ginpasalig man sang gobernador nga may yara sang iban nga mga personnel nga magapadayon sa ila nga trabaho sa PHO samtang ginapaidalum ini sila sa quarantine.
