Naglab-ot sa 2.50 million ang unemployed Filipinos nga naga-edad 15 anyos pataas sang Mayo 2026 suno sa pinakaulihi nga Labor Force Survey sang Philippine Statistics Authority (PSA).
Ini katumbas sa unemployment rate nga 4.8% sang Mayo, gikan sa 4.7% sang Abril.
Suno kay PSA chief Undersecretary Claire Dennis Mapa, ang kada tuig nga pagtaas sang jobless rate gintunaan sang pagkadula sang trabaho sa sektor sang agrikultura, posible bangud sa pagsugod sang El Niño phenomenon.
Samtang, ang underemployment rate ukon porsyento sang mga nagatrabaho nga mga mamumugon nga nagapangita sang dugang nga trabaho ukon mas madamo nga oras sang pagtrabaho, nagnubo sa 12.2% halin sa 15.2% sang Abril.
Sa amo man nga tion, isa ka daku nga pagnubo ang naobserbahan sa employment rate, nga nagnubo halin sa 91.5% sang Mayo 2025 pakadto sa 87.6% sang Mayo 2026.
