Ginkalipay sang mga Pilipino sa Estados Unidos ang pagsinapol ni President Bongbong Marcos Jr., sa pila ka mga mataas nga lider sa nasambit nga pungsod, kaangut man sa United Nations.
Ini kasunod sang working visit sang Presidente sa New York, U.S.A., nga nagsugod sang Marso 9 tubtob Marso 11, 2026.
Suno kay Bombo Marissa Pascual, international correspondent sa U.s, iya ginpahayag nga sa speech sang Presidente, gin-anunsyo ang paghatag sang 2,000 ka trabaho para sa mga Pilipino sa Amerika.
Dugang pa ni Pascual, gin-istoryahan man ang mga isyu nga nagalakip sang violence against women, modernization sang Armed Forces of the Philippines, global crisis kag pagpabakod sang maritime security.
Ginpahayag man niya nga pabor ini sa Enhanced Defense Cooperation Agreement (EDCA) sites sa tunga sang U.S. kag Pilipinas.
Ang EDCA sites amo ang mga lugar sa Pilipinas nga ginkasugtan sang gobyerno kag sang U.S. para sa pagbutang sang mga kagamitang militar kag pagpabakod sang depensa.
