Mga Pilipino sa Lebanon, nagalaum sang maayo nga resulta sa Peace Talks sa Israel

Nagalaum ang mga Pilipino sa Lebanon nga mangin maayo ang resulta sang padayon nga peace talks sa Israel.

Suno kay Bombo Lilia Queliza, international correspondent sa direkta sa Lebanon, iya ginpahayag nga dako ang paglaum sang mga Pilipino sa nasambit nga peace talks nga magapadayon tubtob matapos ang tension sa tunga sang duha ka pungsod.

Ginpahayag man sini nga nangin mas positibo ang sitwasyon bangud posible nga maghisugot ang mga leader sang pungsod nga ma-angkun ang kalinong sa rehiyon.

Sa pihak sini, padayon man ang pagmonitor sang sitwasyon sang mga Pilipino sa Lebanon samtang ginalauman ang dugang nga development sa ginapatigayon nga peace talks.